More

May 12, 2017

La Banda dei Bandi: Concurs mostra “Contrast”

Franz

L’EPL adöm al Istitut Ladin Micurá de Rü scrî fora n concurs sön le tema “Contrast”, por na mostra tl salamënt dl Istitut Ladin a San Martin de Tor 

Informaziuns generales: 
Post dla mostra: Istitut Ladin Micurá de Rü Le concurs è davert: ai mëmbri dal’EPL + a düc i artisc dles valades ladines
Daurida dla mostra: vëndres ai 4 de agost 2017 – 18.00
Dorada dla mostra: cina ai 25/08/2017 
Organisaziun y coordinamënt: Verena Malfertheiner y Katharina Moling – curadësses dla mostra 

Contignü dla mostra: le tema che é gnü chirí fora é “CONTRAST”. Sciöche al è bele gnü fat ince tl ann 2015, tolunse ince en chësc ann le medemo conzet: al è indo gnü fora la bandida de concurs por SMACH y insciö orunse fá na mostra paralela tl salamënt de istitut. 

Termins y condiziuns por tó pert ala mostra 
_ Tó pert ala mostra pó düc i artisc’/tes scric/tes ite al’EPL y düc i artisc dles valades ladines (Fascia, Fodom, Gherdëna, Ampëz y Val Badia) – al gnará fat na seleziun de 5 artisc dal’EPL y 4 artisc da foradecá 
_ Al foss dër important che vignun se dess jö cun le tema y menass ite laurs che ne è nia ciamó gnüs mostrá te d’atres coletives o persolanes. 
_ An pó dé jö deplü propostes, che gnará spo chirides fora (aladô dla lerch) 
_ Al pó gní dé jö laurs fora de vigni ciamp dl’ert figurativa: pitöra, dessëgn, fotografia, scultöra, istalaziuns, video y i.i. 
_ I/les artisc/tes mëss dé jö chësta documentaziun: 
_ I dac anagrafics cun la misciun ajuntada cun le numer de telefonn y sce ara va ince la misciun e-mail. 
_ La/les foto dl/di laur/s mëss gní menades ite cun la descriziun (inom, cognom, contac (mail y nr. de telefonn), titul dl’opera, mosöres, material, tecnica) 
_ Na cörta descriziun dl laur/di laurs che vëgn mené/á ite 
_ Le material mëss gní mené ite anter i 23.06.2017 tres e-mail ala misciun: coletivaepl@gmail.com (n OK de resposta da pert dla organisaziun sará la conferma che la mail é rovada adalerch) – sce i orëis podëise mené ite por posta ala misciun: Katharina Moling, Str. Lé 7, 39030 La Val. 
_ Implü po les curadësses ince chirí fora por la mostra d’atres operes d’ert di/dles artisc/tes 
_ 30.06.2017: comunicaziun di artisc’ che é gnüs chiris fora por la mostra 
_4.07.2017: porté adalerch tl Istitut Ladin Micurá de Rü a San Martin de Tor i laurs dales 14.00 ales 15.00. 
_ Les spëises dla produziun dl’opera y dl trasport va a cost dl/a artist/a. 
_ L’EPL y le Istitut Ladin ne surantol nia la responsabilité por danns ai laurs (no denant, tratan y/o do la mostra) 
_ Por informaziuns prëibel telefoné a Katharina Moling: +39 334 3348555. 
_ Le grup de laur dl’EPL, Seziun ert figurativa: Gustav Willeit, Davide Brandlechner, Michael Moling y le Istitut Ladin Micurá de Rü – se crüzia dl alestimënt 

Foto: EPL + Istitut Ladin Micurá de Rü 

Print

Like + Share

Comments

Current day month ye@r *

Discussion+

There are no comments for this article.

Archive > More